BAGITO NASAKMITAN OG MARIJUANA, NASIKOP SA KAPULISAN.

San Juan, Siquijor- Way nahimo ang usa ka 18 anyos nga lalaki human kini nasakmitan sa giingung marijuana atol sa gilusad nga buy bust operation sa Brgy. Maite sa maong lungsod karung hapona.

Ang maong dinakpang gikatahapang durugista ang naila sa ngalan nga si Limuel Gonsales Alcalde Jr. og nagpuyo sa maong lugar.

Pinaagi sa hiniusang kusog sa mga sakop sa San Juan Police Station, PIB SPPO lakip na ang PDEA kinsa dali dayung nilusad og buy bust operation batok kang Alcalde nga miresulta sa malampusong operasyon.

Nasakmit ngadto kaniya ang 1 ka posporo nga adunay sulod nga gituuhang mga pinaugang dahon sa marijuana, 1 ka P500 isip buy bust money nga maoy gihimung paon, lain pang 1 ka posporo ug 1 ka pack sa sinudlanan sa sigarelyo nga puros adunay sulod sa mga nahisgutang butang.

 

Apan sa habig usab ni Limuel, gilimud niya nga iyahon ang mga nakuhang mga marijuana. Matud niya nga gikan sya sa eskwelahan og papauli na unta kuyog ang iyang igsuon. Gihimakak usab niya ang pasangil nga nalambigit siya sa iligal nga matang kon marijuana.

Subay niini, tungod sa malampusong operasyon nga gilusad sa operatiba, kasong Comprehensive dangerous drug act of 2002 ang ipasaka sa kapulisan batok kaniya.

Source: Catherine Tuban

No Comments

Post A Comment