BALAY GILAMOY SA KALAYU, SPECIAL CHILD NAPAIG

BALAY GILAMOY SA KALAYU, SPECIAL CHILD NAPAIG, NAKABSAN SA KINABUHI

LARENA, SIQUIJOR- Patay ng nabangalan sa mga sakop sa BFP ang 16 anyos nga babaye human kini napaig sa nagdilaab nga kalayo kinsa milamoy sa usa ka panimalay sa may Sityo Dakong Kahoy, Brgy. Catamboan sa maong lungsod niaging huwebes(Oct. 24).

Ang biktima naila nga si Nicole Gatela Maglinte, og giingung usa kini ka special child.

Sumala pa sa gihimung imbestigasyon sa kapulisan sa Larena ug sa mga sakop sa BFP, nga sa wa pa mahitabo ang sunog gikuha ni Erwin kinsa maoy amahan sa maong biktima ang lighter nga anaa sa kamot niini.

Matud pa nga nilakaw ang amahan ug gibyaan ang iyang anak nga nag-inusara aron sa pagtugyaw sa baka ug alang unta sa pagpanguha og mga kahoy.

Sa pagkahibalo ni Erwin nga gilamoy sa kalayo ang iyang balay, naghaguros kining nibalik alang unta sa pagsalbar sa iyang anak, apan nakugang na lang kini sa iyang nakita nga abo na lang ang nasubra lakip na ang iyang 16 anyos nga anak.

Nasayran usab sa mga sakop sa BFP sa Larena nga puros hinimu sa light materials ug way kuryente ang balay sa maong biktima.

Mukabat sa P50,000 ang nakaon sa kalayo.

Photos by: Renan Ansing

Source: Inday Tereng

No Comments

Post A Comment