June Mar Fajardo in Siquijor

SIQUIJOR, SIQUIJOR-Naa karon sa Isla sa Siquijor ang usa sa haligi sa San Miguel Beermen og nahimo nga MVP of the Decade June Mar Fajardo.

Bisan sa nahimo niining talagsaon nga kalamposan sa karera sa pagdula ug basketball, nagpabilin nga humble ang 6-foot-11 nga basketball star.

Sa pakighinabi sa Radyo Bisdak ngadto ni June Mar, niingon kini nga paningkamot, pangpaswerte, healthy lifestyle, ug likay sa mga daotang barkada, ug ang pag-ampo sa Ginoo ang nahimo niya nga dalan nga nakab-ot ang iyang nahimutangan.

Bisan sa iyang gitas-on ug saktong lawas para sa basketball, wala kini nagsalig. Nidugang kini nga usa sa sekreto niya mao nga sa matag tuig, maningkamot gihapon siya ug di siya magbinuang sa practice aron mas mulambo pa ang iyang dinulaan. Dugang niya nga maningkamot siya nga makapakita sa mga basketball fans ug mas maayo nga dula sa umalabot. Diin kabantayan usab nga sukad sa pagsulod niini sa PBA niadyong 2012, dako na og kalamboan sa dula ni June Mar.

Samtang, tambag ni June Mar sa mga student athlete nga nangandoy makasulod sa NBA or sa PBA, nga mag-sakripisyo gayud sanglit dili sayon ang pagdungan sa pagtungha ug ang pagdula ug basketball. Dugang niini nga kinahanglan nga maningkamot ug seryosohon pareho ang pag-eskuyla ingon man ang practice. Niingon usab kini nga importante nga mag-ampo sa Ginoo ug maminaw gihapon sa ginikanan bisan ug dagko na sanglit sila ang nag-hatag sa mga giya.

Source: Brandon Cuerda Teves

No Comments

Post A Comment