Siquijor Covid-19 Free Again

Siquijor is COVID-19 Free Again

SIQUIJOR, SIQUIJOR – Malipayon nga gipahibalo ni Siquijor Vice-Governor Mei Ling Brown nga nabalik ang COVID-19 Free status sa lalawigan.

Kini human nga hingpit na nga nakalingkawas sa hulga sa COVID-19 ang duha ka mga LSIs kinsa nagpabilin nga nagpositibo sa virus. Kahinumduman nga adunay lain nga duha ka mga LSIs kinsa una na nga na-ayo gikan sa virus. Matod ni Brown, nga sa pagkakaron, wala na’y aktibo nga kaso sa lalawigan.

Sigon sa resulta nga nigawas kagabii, nahibaloan nga nagnegatibo na ang upat sa maong virus.

Gilaoman sab nga makapauli na sa ilahang tagsa-tagsa ka mga LGUs ang upat.

Samtang sa pikas bahin, gikalipay usab ni Brown nga nagnegatibo ang mga crew sa Aleson Shipping kinsa mao ang nasakyan sa upat ka mga LSIs nga nagpositibo.

Nahukman nga ipailoam ang mga crew sa swab test sanglit sila ang nasakyan sa pagpauli sa upat ka mga nagpositibo nga LSIs. Kahinumduman sab nga ang probinsya ang nigasto alang sa swab test sa mga crew sa naasoy nga barko.

By: Bisdak Catherine Tuban

Source: Opisyal nga Panid sa Radyo Bisdak 105.7 Siquijor

No Comments

Post A Comment